- 1/1
Dei har tømra og reist eit påbygg til Husasnotrabygget i Nordmørsk stavline. Med store portopningar og lange spenn har dei kompensert med kammadragarar og forspenning.
Streving og stramming av bygg har levd i hendene på folk og ikkje i tømrarlitteraturen, og dette er ein viktig del av den handlingsborne kunnskapen som næmingane no forvaltar og ber med seg vidare.
Materialval; det er viktig å kunne blinke og felle tre til riktig føremål i tradisjonsbygg. Næmingane har gjort rede for val av material i bygget. Vidare har dei analysert kvalitet og alder på tre frå foto, og kva dei ville bruka dei til. Skal det vere syll, bordved, stav eller anna?
Tallak og Allan har i tillegg til å gjere rede for prosess og val i stavlinebygget hatt praktiske prøvar, utan førebuing til oppgåva. Tallak har hogge eit Raulandslaft i laftekassen til Sandværet og Allan har laga ku, målepinne og ein fransklås i 7” material.
Dei bestod med glans 👏🥳 Gratulerer til Tallak og Allan frå heile Nordmørsmusea!
- 1/7
- 2/7
- 3/7
- 4/7
- 5/7
- 6/7
- 7/7
