Bli med på vandring i arboretet ilag med museumsgartnaren og få ei oppleving av staden og plantesamlinga.

Vi startar i hagen ved kafeinngangen og runden tek ein liten time i roleg tempo. I løpet av vandringa får du vite meir om historia bak arboretet og mangfaldet i plantesamlinga.

Alle med gyldig dagsbillett kan delta på omvisinga. Det er ikkje påmelding, berre møt opp. Billett kjøper du med VIPPS ved inngangsporten.

NB! Kafeen har eigne opningstider og vil ikkje vere open ved alle omvisingar i starten av sesongen. Sjå hovudsida vår for oppdaterte opningstider for kafe.

I tillegg til denne serien med omvisingar blir det nokre få, eksklusive omvisingar knytt til dei meir sjeldne plantene i arboretet. Desse blir annonserte for seg sjølv, og krev førehandspåmelding.

Større grupper (10 eller fleire) kan bestille eigne omvisingar, ta kontakt for avtale.