AD UNDAS

Oppdatering:

* Konserten blir halde ute, men under tak!

* Innslepp til konsertstad og kafeen opnar kl. 18.00

AD UNDAS er ein a cappella vokaltrio som sidan 2013 har reist rundt og fylt både naust, bunkersar, kyrkjerom og bygdetun med sine sterke stemmer og fortryllande klangar.

Gruppa har eit originalt konsept med eigenarrangerte låtar og gir både pop, rock, folketonar og viser eit tidlaust preg. Trioen består av Marte Fillan (Trondheim), Margrete Wilhelmsen (Mandal) og Sunniva Fossly (Hallingdal).

Instrumenta er sett igjen heime når dei no turnerer frå Sunnmøre til Trøndelag med “Stier av gull”, ein konsert bunden saman av små forteljingar om dei ulike retningane me menneske vel oss i livet, eller stigane me hamnar på. Alt i alt byr dei på ei magisk og litt annleis konsertoppleving som passar både store og små.

Konserten vert halda utandørs i arboretet. Det vert sal av kaffe og litt å bite i.

Det blir sitjeplassar på stolar og benkar (ikkje nummererte). Ein kan også sitje på graset, ta gjerne med sitjeunderlag.