Museumsvertskap ved Nordmørsmusea
Vi har ledig fleire mindre deltidsstillinger knytt til formidling og publikumstenester i museet, og ønsker å høyre frå deg som kan tenkje deg ein jobb i tillegg til studier, skule eller anna arbeid.
Nordmørsmusea AS er eit kulturhistorisk museum med 30 tilsette og ansvar for over 100 bygg fordelt i regionen. Vi har stor formidlingsaktivitet gjennom heile året, og treng no fleire flinke folk med på laget i året som kjem.
I all hovudsak dreier det seg om museumsvertskap og i første rekke ved Handelshuset Patrick Volckmar, og vi ser etter søkarar som er interessert i å formidle til gjestar og publikum ved musea. Du må trives med å vere ilag med folk og ha ei positiv og serviceinnstilt haldning. I tillegg må du kunne snakke norsk og engelsk flytende, og gjerne andre språk. Det er i første rekke snakk om arbeid på dagtid laurdag og søndag.
I stillinga ligg mellom anna desse oppgåvene
- Salg av mat og drikke i kafe
- Publikumstenester, billettsalg og vertskapsrolle.
- Noko praktisk drift, enkelt reinhald.
- Anna museumsarbeid ved behov, herunder enkel informasjon til turistar og andre.
Du får til gjengjeld
- ein spanande og lærerik jobb med varierte arbeidsoppgåver.
- lønn etter Landsoverenskomst for museer og andre kulturinstitusjoner.
Vi tek imot videosøknad eller skriftleg søknad, legg gjerne ved navn på referanser. Send søknaden til eigunn@nordmorsmusea.no eller send oss ein e-post om du lurer på om dette er noko for deg. Kontaktperson for stillinga er direktør Eigunn Stav Sætre, og du treff ho på e-posten over eller på telefon +47 97 65 42 94.
Søknadsfrist løpande og snarast.
